Aprobado inicialmente polo Concello Pleno, con data 30 de xaneiro de 1995, o estudio de detalle na rúa López Mora (Badaf, S.L.) (2988/411), presentado por Badaf, S.L., redactado por José Herrero García e visado polo COAG con data 11 de marzo de 1994 e documentación reformada visada o 5 de outubro de 1994, condicionando a aprobación definitiva ó remate da tramitación dos expedientes patrimoniais que se proponen nel e á imposición de avales polos custos de urbanización polos terreos sitos no ámbito do PERI Seara Norte con edificabilidade que se materializa no sólido do estudio de detalle, sométese a información pública polo prazo de quince días, hábiles con anuncios no Diario Oficial de Galicia, Boletín Oficial da provincia, Faro de Vigo e taboleiro de anuncios da casa do concello, así como notificación persoal ós propietarios e restantes interesados directamente afectados.

Así mesmo, o devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito entre as rúas Seara e López Mora.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na Oficina Municipal de Información para exame e alegacións.

Vigo, 6 de febreiro de 1995.

Carlos A. González Príncipe

Alcalde