O Concello de Sarreaus, en data do 21 de marzo de 1992, asinou un convenio con Xestión Urbanística de Ourense, S.A. para a creación dun Parque de Reserva Empresarial no municipio.
A Comisión Provincial de Urbanismo de Ourense, en sesión celebrada o día 21 de decembro de 1993, adoptou un acordo polo que se aproba definitivamente o Plan Parcial do Parque de Reserva Empresarial de Ourense en Sarreaus.
Este plan parcial determina como sistema de actuación para a súa execución o sistema de expropiación, o que implica a declaración de utilidade pública das obras e a necesidade de ocupación dos terreos e edificacións correspondentes para os fins da expropiación, de acordo co disposto no artigo 132 do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana.
Os bens e dereitos afectados pola expropiación están comprendidos dentro do ámbito da unidade de execución delimitada polo Plan Parcial do Parque de Reserva Empresarial de Ourense en Sarreaus, e están concretados na relación de propietarios e titulares dos bens e dereitos que se precisan ocupar no documento do plan parcial.
De conformidade co previsto nos artigos 219 e seguintes do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana, sométese a información pública o expediente de expropiación dos bens e dereitos que se precisan ocupar para execución do Parque de Reserva Empresarial de Ourense en Sarreaus.
O expediente estará exposto nas oficinas da sociedade Xestión Urbanística de Ourense, S.A. (Xestur-Ourense), sita en r/ Curros Enríquez nº 1, planta 8ª, 32003 Ourense, durante o prazo de un mes, a partir da publicación desta resolución no Diario Oficial de Galicia.
Durante o dito prazo, todas aquelas persoas ou entidades que se consideren afectadas poderán presenta-las alegacións que coiden oportunas, por triplicado exemplar, no Concello de Sarreaus.
Sarreaus, 23 de xaneiro de 1995.
Gumersindo Lamas Alvar
Alcalde
