A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso:
Obxecto: oontratación dun mínimo de dez (10) helicópteros con destino á extinción de incendios forestais durante o ano 1995 (0506), de acordo cos proxectos e pregos aprobados para esta.
Orzamento de licitación: trescentos sesenta e catro millóns de pesetas (364.000.000 de ptas.)
Fianza provisional: 2% do orzamento de licitación do lote ou lotes ofertados.
Fianza definitiva: 4% do orzamento de licitación do lote ou lotes adxudicados.
Exposición do proxecto e pregos: o proxecto, así como o prego de cláusulas administrativas particulares, estarán a disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Montes e de Medio Ambiente Natural da Consellería de Agricultura, Gandería e Montes (San Lázaro, s/n, Santiago de Compostela).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes (San Caetano, Santiago de Compostela), ou en calquera das vías admitidas polo artigo 100 do Regulamento xeral de contratos do Estado, antes das 14 horas do día 9 de marzo de 1995.
A apertura de proposicións terá lugar o día 13 de marzo de 1995, ás 12 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).
Gastos de publicación: serán por conta dos adxudicatarios.
Santiago de Compostela, 7 de febreiro de 1995.
Antonio L. Rosón Pérez
Secretario xeral da Consellería de Agricultura,
Gandería e Montes