Notificóuselle á Consellería de Sanidade e Servicios Sociais providencia da Sección Primeira da Sala do Contencioso-Administrativo do Tribunal Superior de Xustiza de Galicia, pola que se admite
o recurso contencioso-administrativo número 1/2/1995, interposto polo Colexio Oficial de Médicos da Coruña contra a Orde do 30 de setembro de 1994 (DOG nº 209, do 28 de outubro), pola que se sistematiza o réxime xurídico aplicable ós nomeamentos do persoal interino e substituto das clases de médicos, practicantes e matronas titulares.
En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento e son emprazadas para que poidan comparecer en forma en autos na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de nove días.
Santiago de Compostela, 13 de xaneiro de 1995.
Carlos Negreira Souto
Director xeral de Recursos Humanos