Notificóuselle ó Servicio Galego de Saúde providencia da Sección Primeira da Sala do Contencioso-Administrativo do Tribunal Superior de Xustiza de Galicia, pola que se admiten os recursos contencioso-administrativos números 2.599 ó 2.604/1994 interpostos por Fernando Pérez Moreira, Manuel Álvarez Fernández, José Antonio Sande Rodríguez, Darío López Quintas, José Luis Puga Domínguez e Ángel Díaz Padín contra a Resolución do 13 de outubro de 1994, desta dirección xeral, pola que se desestiman os recursos ordinarios formulados contra a resolución da Dirección-Xerencia do Hospital Nicolás Peña de Vigo, do 1 de xuño de 1994, sobre as funcións que corresponden ó persoal que presta servicios como auxiliar de hospital no devandito centro.

En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento e son emprazadas para que poidan comparecer en forma en autos na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 13 de xaneiro de 1995.

Carlos Negreira Souto

Director xeral de Recursos Humanos