Dentro dos programas de actividades que a Academia Galega de Seguridade ten previsto realizar no ano 1995 de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración de catro cursos sobre dereito penal básico, que deberá desenvolverse conforme as seguintes bases:

Obxectivos.

O curso ten por obxectivo inicia-la policía no estudio do dereito penal e clarifica-la actuación do policía en temas de dereito penal e nas súas relacións cos que delinquen.

Destinatarios.

O curso vai dirixido ós membros dos corpos da policía local de Galicia.

Inscrición.

A inscrición dos participantes será totalmente gratuíta.

Prazas.

O número de prazas que se ofertarán neste curso será de 40.

Solicitudes.

1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI e do carné profesional.

2. O prazo para a presentación de instancias rematará nas seguintes datas:

-Verín: 16 de marzo.

-Pontevedra: 23 de marzo.

-A Coruña: 11 de abril.

-Sarria: 20 de abril.

3. As instancias deberán enviarse á sede da Academia Galega de Seguridade: rúa de Madrid, s/n, polígono das Fontiñas, 15703, Santiago de Compostela.

Contido e duración.

O curso celebrarase en sesións de tarde, de luns a venres, e nel trataranse, entre outros, os seguintes temas: a) O dereito penal como sistema normativo de control social. b) A xurisdicción penal. c) Eximentes, atenuantes e agravantes. d) Límites constitucionais ó contido e á aplicación das leis penais.

Datas.

O curso celebrarase nas seguintes datas:

-Verín: do 27 ó 31 de marzo.

-Pontevedra: do 3 ó 7 de abril.

-A Coruña: do 24 ó 28 de abril.

-Sarria: do 8 ó 12 de maio.

O horario será de 16 a 20 horas da tarde.

Relación de admitidos.

A relación de admitidos publicarase os días:

-Verín: 21 de marzo.

-Pontevedra: 28 de marzo.

-A Coruña: 18 de abril.

-Sarria: 26 de abril, no taboleiro de anuncios da Academia Galega de Seguridade, ou ben poden confirma-la súa asistencia chamando ó telefono (981) 56 34 00.

Lugar.

Os cursos desenvolveranse nos seguintes lugares:

-Verín: Aula de Cultura do Concello.

-Pontevedra: Salón de Actos de Caja Madrid.

-A Coruña: Sede da Policía Local.

-Sarria: Casa do Concello.

Certificado de participación.

Ó final de cada curso entregaráselle un certificado de asistencia e aproveitamento a aquelas persoas que acrediten a súa participación continuada ó mesmo, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.

Modificacións.

A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.

Santiago de Compostela, 31 de xaneiro de 1995.

Juan José Fariñas-Ferro Rodríguez

Director xeral da Academia Galega de Seguridade