Polo Decreto do 16 de outubro de 1950, Boletín Oficial del Estado do 15 de novembro, foi declarado ben de interese cultural con categoría de monumento histórico artístico o mosteiro de Santo Estevo de Chouzán, concello de Carballedo (Lugo).
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación do seu contorno.
En consecuencia, e vistos os informes dos servicios técnicos e órganos consultivos, favorables á incoación do expediente para a delimitación do contorno do mosteiro de Santo Estevo de Chouzán, concello de Carballedo (Lugo), esta dirección xeral
RESOLVE:
Primeiro.-Ter por incoado expediente para a delimitación do contorno do mosteiro de Santo Estevo de Chouzán, concello de Carballedo (Lugo).
Protexer este monumento e a zona afectada pola incoación, sendo a súa delimitación a seguinte:
«O punto 1 da liña de delimitación do contorno obtense prolongando a estrema nordeste da parcela catastral 1.274 a través da 512 ata o seu contorno co borde da represa.
O curso da liña comeza nesa prolongación, segue pola estrema noroeste a parcela 1.274 e 1.239 ata o punto 2, situado no eixe da estrada de Chantada ós Peares.
Continúa seguindo ese eixe ata o punto 3 (sobre el), para tomar dirección sur, seguindo a estrema oeste da parcela catastral 2.384 e a prolongación
desta ata o eixe da estrada que conduce a Pacios, atravesando a parcela catastral 2.547. O cruzamento desa prolongación e o eixe da estrada dan lugar ó punto 4.
A partir deste continúa ata o punto 5 no mesmo eixe.
Continúa cara ó sur polas estremas oeste das parcelas catastrais 2.424, 2.091, 2.094 e 2.104, e as sueste das 2.104, 2.103, 2.102, 2.101, 2.100, 2.099, 2.098 e 2.091; sur das 2.092, 2.085, 2.084, 2.082, 2.081, 2.079, 2.078, 187, 186, 185, 184, 183, 181, 180, 179, 173, 172, 171, 170, 168, 167, 165, estremas leste das 165, 166, 174 e 175, núcleo de Pacios 176, 177, 103, 98, 102 e 356 ata chegar ó punto 6 situado no encontro da última estrema mencionada coa represa.
Á liña da delimitación chégase seguindo desde o punto 6 a cota máxima das augas ata o punto 1.
Segundo.-Segui-la tramitación do expediente segundo as disposicións vixentes.
Terceiro.-Dar traslado da resolución ó alcalde de Carballedo (Lugo) e notificarlle que o outorgamento das novas licencias de obras e a execución das xa concedidas antes de incoarse o expediente precisarán resolución favorable da Dirección Xeral do Patrimonio Histórico e Documental.
Cuarto.-Notifica-la presente resolución ó arcebispo de Lugo, ó Rexistro de Bens de Interese Cultural do Ministerio de Cultura, e ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte á súa publicación no Diario Oficial de Galicia.
Santiago de Compostela, 25 de xaneiro de 1995.
Ángel Sicart Giménez
Director xeral do Patrimonio Histórico e
Documental