Polo Real decreto do 4 de xuño de 1982, Boletín Oficial del Estado do 30 de xullo, foi declarado ben de interese cultural con categoría de monumento histórico artístico a igrexa de San Facundo, en Ribas de Miño, concello de Paradela (Lugo).
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación do seu contorno.
En consecuencia, e vistos os informes dos servicios técnicos e órganos consultivos, favorables á incoación do expediente para a delimitación do contorno da igrexa de San Facundo, en Ribas de Miño, no concello de Paradela (Lugo), esta dirección xeral
RESOLVE:
Primeiro-Ter por incoado expediente para a delimitación do contorno da igrexa de San Facundo, en Ribas de Miño, concello de Paradela (Lugo).
Protexer este monumento e a zona afectada pola incoación, sendo a súa delimitación a seguinte:
«Comeza a liña no punto 1 situado ó pé do río Miño e inicia o seu percorrido pola estrema que separa as parcelas catastrais 1.273a e 1.274a das 1.305 e 1.306, continuando ata o punto 2 situado no eixe do camiño paralelo ó río que procede da igrexa.
Atravesa o camiño no punto 2 continuando o seu traxecto pola estrema norte das parcelas 1.266 e 1.279, rodeando esta última ata o punto 3.
No punto 3, situado no cruzamento das estremas das parcelas 1.279, 1.278 e 1.282, a liña inicia un percorrido que coincide coas estremas norte e nordeste das parcelas adxacentes que se relacionan a continuación, todas elas incluídas na delimitación: 1.278, 1.276, 1.275, 1.153, 1.154, 1.152, 1.151, 1.150b, 1.157a, 1.158a, 1.159a, 1.160a, 1.16la, 1.161b e 1.163, ata o punto 4 que se sitúa no eixe de camiño que bordea as parcelas 648, 645 e 643.
A partir do punto 4 da liña sigue o citado camiño que entronca coa pista do río Miño, onde está situado o punto 5, situado no eixe deste último.
Desde o punto 5 continúa baixando en dirección noroeste ata o punto 6, coincidente coa intersección da aresta do camiño e a estrerna da parcela 70 e continúa, incluíndo o núcleo de Lombao e deixando fóra as parcelas 69, 68 e 67, ata o punto 7 colocado no cruzamento das estremas das parcelas 67 e 19.
A partir do punto 7 a liña segue un percorrido continuo coincidindo coa estrema sur das parcelas 17, 17d, 18a, 29, 30, 30a, 43, 42, 71 e 78 ata chegar ó río Miño, onde está situado o punto 8».
Segundo.-Segui-la tramitación do expediente segundo as disposicións vixentes.
Terceiro.-Dar traslado da resolución ó alcalde do concello de Paradela (Lugo) e notificarlle que o outorgamento das novas licencias de obras e a execución das xa concedidas antes de incoarse o expediente precisarán resolución favorable da Dirección Xeral do Patrimonio Histórico e Documental.
Cuarto.-Notifica-la presente resolución ó arcebispo de Lugo, ó Rexistro de Bens de Interese Cultural do Ministerio de Cultura, e ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte á súa publicación no Diario Oficial de Galicia.
Santiago de Compostela, 24 de xaneiro de 1995.
Ángel Sicart Giménez
Director xeral do Patrimonio Histórico e
Documental