Vistos os informes dos servicios técnicos desta dirección xeral e dos órganos consultivos, favorables á incoación como ben de interese cultural con categoría de monumento a favor do Templo da Vera Cruz, sito no concello do Carballiño, Ourense, e de conformidade cos artigos 6a) e 9.2 da Lei 16/1985, do 25 de xuño, do patrimonio histórico español; artigo 11.2 do Real decreto 64/1994, do 21 de xaneiro, que modifica o Real decreto 111/1986, do 10 de xaneiro, que desenvolve parcialmente a antedita lei; e de conformidade co artigo 7 do Decreto 430/1991, do 30 de decembro, polo que se regula a tramitación para a declaración de bens de interese cultural de Galicia, esta dirección xeral
RESOLVE:
Primeiro.-Incoar expediente de declaración de ben de interese cultural con categoría de monumento a favor de Templo da Vera Cruz, sito no concello do Carballiño (Ourense), de acordo coa Lei 16/1985, do 25 de xuño, do patrimonio histórico español, e do Decreto 430/1991, do 30 de decembro, da Consellería de Cultura.
A delimitación do seu contorno figura no plano do anexo I, sendo a descrición a seguinte:
«Cara á rúa Evaristo Vaamonde, as edificacións e soares baleiros que corresponden entre os números 2 e 10, ambos incluídos nun fondo de 20 metros.
Cara ó lado sur, as edificacións con acceso desde a rúa Conde Vallellano nos números 31 a 43, ambos inclusive, no seu fondo completo.
Cara ó lado SO a banda de edificación proposta no planeamento de fondo 15 metros.
Cara ó lado norte unha banda de edificación de 15 metros de fondo segundo o recolle o planeamento».
Segundo.-Segui-la tramitación de expediente segundo as disposicións vixentes.
Terceiro.-Dar traslado da resolución ó alcalde do concello do Carballiño (Ourense) notificándolle o outorgamento das novas licencias de obras, e a execución das xa outorgadas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-De acordo co disposto no artigo 12.2 do Real decreto 64/1994, do 21 de xaneiro, que modifica o Real decreto 111/1986, do 10 de xaneiro, de desenvolvemento parcial da Lei 16/1985, do patrimonio histórico español, notiticaráselle a resolución ó arcebispado e ó Rexistro de Bens de Interese Cultural do Ministerio de Cultura, e de acordo co artigo 7.b do Decreto 430/1991 notificaráselle ademais ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Calicia e no Boletín Oficial del Estado, abríndose un período de información de 10 días hábiles, contados a partir do día seguinte á súa publicación.
Santiago de Compostela, 24 de xaneiro de 1995.
Ángel Sicart Giménez
Director xeral do Patrimonio Histórico e
Documental