O Pleno do Concello de Santiago de Compostela, en sesión ordinaria do día 30 de decembro de 1994, acordou inicia-lo expediente de expropiación forzosa, con ocupación urxente, de terreos para a execución do selado e recuperación do vertedoiro de Amio.
En cumprimento do disposto no artigo 56 do Regulamento de expropiación forzosa, o Concello expón ó público o referido proxecto de expropiación, co fin de que, no prazo dos quince días que seguen á publicación deste anuncio no Boletín Oficial da provincia, no Diario Oficial de Galicia e na prensa local, os interesados poidan formula-las alegacións que estimen oportunas.
O presente edicto servirá de notificación, nos termos do artigo 59 da Lei de réxime xurídico das administracións públicas e do procedemento administrativo común, a tódolos afectados que, por resultaren descoñecidos ou ignorándose o seu domicilio, non poidan ser citados persoalmente ó trámite de información pública.
Xúntase relación de bens afectados.
Santiago de Compostela, 11 de xaneiro de 1995.
P.D.
Pedro Antonio Fernández Fernández
Concelleiro-delegado de Urbanismo
ANEXO
Relacións de bens afectados que se citan
Termo municipal de Santiago de Compostela