A Comisión de Goberno da Deputación Provincial da Coruña, en sesión ordinaria celebrada o día 11 de novembro de 1994, aprobou o prego de condicións particulares para a contratación do uso de tarxetas para adquisición de carburantes, que foi integramente publicado no BOP nº 273, con data do 29 de novembro de 1994.
Declarado deserto o citado concurso mediante resolución da Presidencia nº 20.355, con data do 15 de decembro de 1994, por medio do presente anuncio convócase unha nova licitación nas mesmas condicións.
Proposicións: As entidades que queiran oferta-la utilización de tarxetas presentarán na Sección de Patrimonio e Contratación da Deputación Provincial da Coruña, dentro do prazo de vinte días contados desde o seguinte ó da derradeira publicación no BOP, DOG ou BOE, en horario das 9 ás 13 horas, a seguinte documentación:
a) Documento de aceptación do prego:
Don/Dona..., con domicilio para efectos de notificación en..., rúa..., número..., teléfono..., con DNI número... (ou pasaporte ou documento que o substitúa), actuando en nome propio (ou en nome e representación de..., con domicilio en..., rúa..., número..., teléfono... -conforme se acredita con poder notarial cumprido-), fai constar que coñece e acepta o prego de condicións para a contratación da utilización de tarxetas para adquisición de carburantes, e ofrece a seguinte porcentaxe de desconto sobre o prezo máximo dos carburantes que en cada momento fixe o Goberno (tributos incluídos):...
O/A licitador/a (asinado e rubricado)
b) Documentos xustificantes de personalidade: Segundo o disposto na cláusula 4.B) do prego de condicións.
Apertura de proposicións: Terá lugar no Pazo Provincial ás 12 horas do día seguinte hábil ó que se sinale como derradeiro para a admisión de plicas.
A Coruña, 16 de xaneiro de 1995.
Salvador Fernández Moreda
Presidente
José Luis Almau Supervía
Secretario