De conformidade co disposto no art. 119 do Regulamento xeral de contratación, faise público que a Comisión de Goberno deste Consello, en sesión celebrada o día 13 do mes corrente, acordou adxudica-los contratos de vixilancia e limpeza do edificio sede desta institución, previamente anunciados no DOG nº 191, do 3 de outubro de 1994, segundo o detalle que se especifica a continuación:
-Adxudica-lo contrato de vixilancia do edifico sede da institución á empresa Viproga, S.A., polo período comprendido entre o 14 de xaneiro e o 31 de decembro de 1995, no prezo de seis millóns cento oitenta e unha mil seiscentas cincocentas e sete pesetas, IVE e demais exaccións legais engadidas, ó considera-la súa oferta como a máis vantaxosa para a institución.
-Adxudica-lo contrato de limpeza do edifico sede da institución á empresa Limpiezas Salgado S.L., polo período comprendido entre o 14 de xaneiro e o 31 de decembro de 1995, no prezo de catro millóns trescentas dezaseis mil oitocentas oitenta e unha pesetas, IVE e demais exaccións legais engadidas, ó considera-la súa oferta como a máis vantaxosa para a institución.
Contra o acordo de adxudicación poderase interpor recurso ordinario perante o Pleno do Consello de Contas no prazo de un mes computado a partir da publicación desta resolución no Diario Oficial de Galicia.
Santiago de Compostela, 20 de xaneiro de 1995.
Carlos G. Otero Díaz
Conselleiro maior