Aprobado inicialmente polo Concello Pleno, con data do 16 de setembro de 1994, o estudio de detalle da avda. da Florida, 125, sométese a información pública polo prazo de quince días hábiles con anuncios en DOG, BOP, Faro de Vigo, taboleiro de anuncios da casa do concello e notificación persoal ós propietarios e restantes interesados directamente afectados, coas seguintes particularidades:
a) Deberá preverse o acceso a pé á zona de cesión.
b) A urbanización e conservación da zona de uso público correrá por conta da propiedade.
Así mesmo, o devandito acordo sinala como área afectada pola suspensión de licencias de edificación, parcelación e demolición a abranguida polo seu ámbito, cos seguintes límites:
Norte: Avda. da Florida
Sur: Travesía de Manuel de Castro, 10
Leste: Avenida da Florida, 123
Oeste: Avda. da Florida, 127, e camiño interior
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, significando que a documentación se atopa na oficina municipal de información para exame e alegacións.
Vigo, 5 de outubro de 1994.
Carlos A. González Príncipe
Alcalde