O artigo 22, punto 4, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), dispón que o órgano ambiental someterá o estudio de efectos ambientais ó trámite de información pública, durante quince días hábiles, mediante anuncio no Diario Oficial de Galicia.
Na súa virtude,
RESOLVO:
1.-Someter a información pública, polo prazo de quince días hábiles, contando a partir da publicación da presente resolución, o estudio de efectos ambientais do proxecto da canteira de cuarcita Fraga do Couce, situada no lugar de Carballo, parroquia de Santa María Maior, concello de Mondoñedo, provincia de Lugo.
2.-Para os devanditos efectos informativos, porase á disposición dos administrados, exemplares nas seguintes dependencias:
Secretaría Xeral da Comisión Galega de Medio Ambiente.
* Delegación Provincial da Consellería da Presidencia e Administración Pública (Comisión Provincial de Medio Ambiente) da provincia de Lugo.
* Concello de Mondoñedo.
3.-As alegacións formularanse durante o dito prazo de quince días.
4.-Unha vez rematado o mencionado prazo, remitirase o expediente coas correspondentes alegacións á Secretaría Xeral da Comisión Galega de Medio Ambiente.
Santiago de Compostela, 18 de xaneiro de 1995.
José Luis Aboal García-Tuñón
Secretario xeral da Comisión Galega
de Medio Ambiente