Examinado o expediente incoado pola titularidade do centro privado Academia Éxito, da Coruña, en solicitude de cesamento de actividades para o nivel de educación preescolar no dito centro.
Resultado que o antedito centro privado obtivo a autorización para o nivel de educación preescolar excepcional e transitoria por Orde do 26 de agosto de 1985.
Resultando que o expediente foi tramitado regulamentariamente pola Delegación Provincial de Educación e Ordenación Universitaria da Coruña.
Resultando que a devandita delegación provincial elevou proposta favorable sobre a referida petición, xuntando o preceptivo informe, así mesmo favorable da Inspección de Educación.
Visto o Real decreto 332/1992, do 3 de abril, que regula as autorizacións de cesamento de actividades (BOE do 9).
Considerando que o alumnos do centro non van atopar problemas de escolarización, polo que a continuidade do ensino non se prexudica.
Esta consellería dispón:
Autorizar, de acordo cos informes emitidos, o cesamento de actividades, no nivel de educación preescolar, ó centro privado que se relaciona no anexo da presente orde, quedando nulas e sen ningún efecto as disposicións que autorizan o funcionamento legal do dito nivel no devandito centro.
Santiago de Compotela, 9 de xaneiro de 1995.
Juan Piñeiro Permuy
Conselleiro de Educación e Ordenación
Universitaria
ANEXO QUE SE CITA
Provincia da Coruña
Concello: A Coruña
Localidade: A Coruña
Enderezo: Oleoducto, 3
Denominación: Academia Éxito
Titular: María Josefa Casas Pérez
Autorización do cesamento de actividades para o nivel de educación preescolar no centro.