Aprobadas inicialmente polo Pleno da corporación municipal, na sesión extraordinaria do día 29 de

decembro de 1994, as normas subsidiarias de planeamento do Concello do Rosal, sométese a información pública durante o prazo de un mes, contado a partir do día seguinte ó da inserción deste edicto no DOG, BOP e no xornal de maior tirada nesta provincia. Durante este tempo poderá ser examinado no concello e formularse as alegacións que se coiden pertinentes, conforme establece o artigo 116 a) do R.d.l. 1/1992, do 26 de xuño, polo que se aproba o texto refundido da Lei sobre o réxime do solo e ordenación urbana.

Igualmente, de conformidade co disposto no artigo 102 da mencionada lei, acordouse a suspensión do outorgamento de licencias no ámbito de todo o termo municipal, exceptuándose da dita suspensión aquelas que, cumprindo coa normativa vixente, non incumpran a que se aproba inicialmente. O período de suspensión será efectivo ata a aprobación definitiva das mencionadas normas, sen que poida o dito prazo supera-los dous anos.

O Rosal, 2 de xaneiro de 1995.

José L. Rodríguez Martínez

Alcalde