A Dirección Xerencia do hospital comarcal Valdeorras do Barco de Valdeorras, Ourense, en virtude das atribucións que lle foron delegadas conforme o establecido na orde da Consellería de Sanidade e Servicios Sociais do 15 de setembro de 1994, convoca o concurso público nº 1/1995 polo trámite de urxencia para a contratación do servicio referido no punto I desta resolución.

I. Obxecto e orzamento: a contratación do servicio de hostelería e alimentación, por un orzamento de vintecatro millóns trescentas setenta e cinco mil pesetas (24.375.000), IVE incluído.

II. A prestación do servicio comezará a rexer a partir da data da sinatura do contrato.

III. O prego de cláusulas administrativas particulares e demais documentación complementaria poden ser solicitados á Dirección de Xestión do hospital comarcal Valdeorras (Avda. Conde Fenosa, 50, O Barco de Valdeorras, Ourense), en días laborables desde as 9 horas ata as 14 horas, ou ó teléfono (988) 33 90 00 e fax (988) 33 90 64.

IV. Fianzas: 2% do orzamento de licitación (487.500 ptas.) que se constituirá segundo o disposto no artigo 112 da Lei de contratos do Estado e 340 do seu regulamento.

V. Presentación e apertura de proposicións: as proposicións deberanse presentar en man, en sobres pechados no rexistro xeral do hospital comarcal Valdeorras, antes do décimo quinto día hábil contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.

A apertura das proposicións admitidas será realizada pola mesa de contratación reunida en acto público na sala de xuntas do hospital comarcal Valdeorras ás 12 horas do primeiro día natural contado a partir de aquel no que finalice o prazo de presentación de ofertas, no caso de que o dito día coincida en festivo, a apertura das proposicións terá lugar o dia hábil seguinte.

VI. Documento que deben presenta-los licitadores: os que figuran no prego de cláusulas administrativas particulares.

VII. Anuncios: serán por conta do adxudicatario do contrato.

VIII. Clasificación: os licitadores deberán presenta-lo certificado de clasificación como «grupo III, subgrupo 8. Outros servicios. Categoría B», conforme o R.D. 609/1992, do 2 de febreiro, polo que se dictan normas para a clasificación das empresas consultoras e de servicio, modificado polo R.D. 52/1991 do 25 de xaneiro.

O Barco de Valdeorras, 12 de xaneiro de 1995.

Enrique I. Pérez Rivera

Director-xerente do hospital comarcal Valdeorras