O maxistrado xuíz do Xulgado de Primeira Instancia e Instrucción número un de Santiago de Compostela, coñecendo de autos de xuízo de menor contía número 221 de 1988, en fase de execución de sentencia firme, e seguidos por instancia de Francisco Rodríguez, contra Manuel Vázquez Tourís, sobre dereitos hereditarios, nulidade de compravenda e reclamación de danos e prexuízos, por medio do presente edicto e en virtude de resolución desta data, manda citar e cita para comparecer na execución da sentencia de que se trata, ós herdeiros, sucesores e habentes causa descoñecidos e incertos, que se consideren da demandada Manuela ou María Manuela Vázquez Tourís, veciña que foi desta cidade e falecida nela o día 27 de febreiro de 1993, concedéndolle-lo prazo de nove días, baixo apercibimento de que recaerá sobre eles o prexuízo a que haxa lugar en dereito.

E para inserir no Diario Oficial de Galicia e Boletín Oficial del Estado, expido e asino o presente edicto en Santiago de Compostela, o doce de xaneiro de mil novecentos noventa e cinco.

Manuel Pérez Echenique

Maxistrado-xuíz

O secretario

Rubricado