Aprobado inicialmente polo Concello Pleno, con data do 30 de novembro de 1994, o estudio de detalle na U.A. 11 «Pista» en Alcabre (3124/411), promovido por Trumbel, S.A. e redactado polos arquitectos Salvador Fraga Rivas, Francisco J. García-Quijada Romero e Manuel Portolés Sanjuán, visado polo COAG con data 15 de xuño de 1994 sométese a información pública, polo prazo de quince días hábiles con anuncios en DOG, BOP, Faro de Vigo e taboleiro de anuncios da casa do concello, así como notificación persoal ós propietarios e restantes interesados directamente afectados.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na Oficina Municipal de Información para exame e alegacións.

Vigo, 19 de decembro de 1994.

Carlos A. González Príncipe

Alcalde