Por Decreto 294/1992, do 10 de setembro, modificado polo Decreto 1/1995, do 12 de xaneiro (DOG nº 9, do 13-1-1995), regúlase o diploma de directivo e nel establécese que, para ocupa-los postos de traballo de libre designación que así se determinen nas relacións de postos de traballo, será requisito necesario estar en posesión do diploma de directivo ou doutros diplomas que habiliten para o posto do que se trale.

Segundo dispón o artigo 7º do citado decreto, a Escola Galega de Administración Pública designará un profesor-director dos cursos.

Convocados, por Resolución do 16 de xaneiro de 1995 cursos para a obtención do diploma de directivo resolvo,

Nomear profesor-director dos cinco cursos para a obtención do diploma de directivo convocados mediante resolución do director da Escola Galega de Administración Pública do 16 de xaneiro de 1995 a Luis Echebarría, profesor de xestión pública e director do primeiro curso para a obtención do diploma de directivo da Xunta de Galicia.

Santiago de Compostela, 17 de xaneiro de 1995.

Xaime Rodríguez-Arana Muñoz

Director da Escola Galega de Administración Pública