A Escola Galega de Administración Pública convocou por resolución do 11 de novembro de 1994 (DOG nº 231, do 30 de novembro) dúas bolsas de colaboración en tarefas de estudio e investigación para a execución de tarefas desta natureza na EGAP.
O tribunal cualificador para a adxudicación destas bolsas, na súa reunión do 23 de decembro de 1994, baremou tódalas solicitudes e propuxo a adxudicación en favor dos dous candidatos que obtiveron maior puntuación.
De conformidade coas competencias que me recoñece a normativa vixente e, á vista da proposta do tribunal, resolvo outorgárlle-las ditas bolsas a Enrique José Varela Álvarez e a José Antonio Montero Vilar, que obtiveron 69 e 68 puntos, respectivamente.
Contra esta resolución cabe interpoñer no prazo de un mes recurso ordinario ante o conselleiro da Presidencia e Administración Pública da Xunta de Galicia (art. 114.2 da Lei 30/1992, do 26 de novembro), sen prexuízo da formulación do recurso contencioso-administrativo contra a resolución do devandito recurso ordinario.
Santiago de Compostela, 26 de decembro de 1994.
Jaime Rodríguez-Arana Muñoz
Director da Escola Galega de Administración
Pública