En cumprimento do disposto no artigo 31 do Regulamento da Lei 10/1966, do 18 de marzo, sobre expropiación forzosa e sancións en materia de instalácións eléctricas, aprobado polo Decreto 2.619/1966, do 20 de outubro, sométese a información pública a instancia da empresa Barras Eléctricas Galaico-Asturianas, S.A., con domicilio en Lugo, r/ cidade de Viveiro, 4, solicitando a declaración de necesidade de urxente ocupación para os efectos da imposición da servidume de paso de enerxía eléctrica sobre bens e dereitos que se afectan segundo dispón o parágrafo 1 do artigo 14 do citado regulamento. Descríbense na relación individualizada de cada expediente, na que se indican os interesados cos que non foi posible o acordo amigable, para a execución das instalacións seguintes:
-Reelectrificación de Bacoi, 2ª fase (L.M.T. ó C.T. Gorvidal), no termo municipal de Alfoz, autorizada
e declarada de utilidade pública, por resolución desta delegación provincial de data 24 de marzo de 1994.
Para os efectos do disposto no número 3 do artigo 16 do regulamento mencionado, calquera persoa, den tro dos quince días seguintes ó da publicación desta resolución, que terá logar no Boletín Oficial da provincia e mais no xornal El Progreso, así como no Diario Oficial de Galicia, e os interesados en igual prazo, ós que se lles efectúa notificación individual, poderán achegar por escrito e por triplicado os datos oportunos para rectificar posibles erros na relación indicada, así como formula-las alegacións prodecentes por razón do disposto nos artigos 25 e 26 do aludido regulamento. Para este efecto estarán expostos os expedientes, cos planos de situación e parcelarios das instalacións, nesta dependencia, sita en Lugo rúa Pascual Veiga, 12 14, en horas de oficina.
En todo caso, os propietarios afectados poderán reclamar a través desta delegación que o peticionario lles facilite os demais datos que consideren precisos para a identificación dos seus bens.
Lugo, 15 de novembro de 1994.
Jesús Bendaña Suárez
Delegado provincial de Lugo