Para os efectos previdos no artigo 9 do Decreto 2.617/1966, do 20 de outubro, sométese a información pública a petición de instalación dunha ampliación da subestación de Pontesampaio cun novo módulo de liña que ten as seguintes características especiais:

Peticionario: Unión Fenosa.

Lugar no que se vai establece-la instalación: en Pontesampaio, concello de Pontevedra.

Finalidade da instalación: mellora-la subministración eléctrica na zona.

Características principais: módulo de liña a 66 kV, nomeada Ponte-Caldelas I, que na súa instalación exterior consta de interruptor Isodel de 72,5 kV e intensidade de 2.000 amperios; seccionador de liña e seccionador de barras para 72,5 kV, transformadores de medida, soportes e proteccións correspondentes.

Orzamento: 28.350.000 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 28 de novembro de 1994.

Ramón Álvarez Abad

Delegado provincial de Pontevedra