Violeta Reboredo Otero, secretaria do Xulgado de Primeira Instancia e Instrucción de Arzúa (A Coruña), dou fe de que nos autos de xuízo declarativo ordinario de menor contía número 178/1993; seguidos ante este xulgado, se dictou a sentencia que ten o encabezamento e parte dispositiva do teor literal seguinte:
Sentencia. En Arzúa, vintedous de novembro de mil novecentos noventa e catro.
Vistos por Dolores de los Ríos Andérez, xuíza do Xulgado de Primeira Instancia e Instrucción de Arzúa e o seu partido, os presentes autos de xuízo de menor contía sobre reclamación de cantidade rexistrados co número 178/1993, dos asuntos civís deste xulgado, sendo demandante Comercial Domecq, S.A., representada polo procurador Ricardo García Piccoli, contra Cía. de Vinos Licores Mellid; Antonio Gendo Fandiño Buján, María González Baliño, José Antonio Quintela Estaviz e Marisol Parrado Mello.
Decido: Que debo estimar e estimo a demanda interposta polo procurador Ricardo García Piccoli Atanes en nome e representación de Comercial Domecq, S.A., e na súa consecuencia debo condenar e condeno os demandados nas presentes actuacións a que aboen á actora a cantidade de 934.178 ptas. máis o xuro legal desde a data de presentación da demanda ata o completo pagamento, todo iso con expresa condena en custas.
A presente resolución non é firme e contra ela cabe interpor recurso de apelación no termo de cinco días, ante a Audiencia Provincial da Coruña.
Así, por esta miña sentencia, pronúncioo, mándoo e asínoo.
Dolores de los Ríos Andérez, xuíza do Xulgado de Primeira Instancia e Instrucción de Arzúa e o seu partido.
Para que así conste e sirva de notificación de sentencia ós demandados antes referidos e declarados en rebeldía procesual, expido, selo e asino o presente edicto en Arzúa o doce de decembro de mil novecentos noventa e catro.
A secretaria xudicial
Rubricado