Consonte coa proposta elevada pola comisión constituída para xulga-lo concurso convocado por resolución da Universidade de Vigo do 15 de decembro de 1993 (BOE do 21-1-1994), para a provisión dunha praza de profesor titular de universidade da área de coñecemento de producción vexetal, do departamento de Recursos Naturais e Medio Ambiente desta universidade, a prol de Mª Eugenia López de Silanes Vázquez, DNI número 35.259.703, e cumprindo a interesada os requisitos do apartado 2 do artigo 5º do Real decreto 1.888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Mª Eugenia López de Silanes Vázquez profesora titular de universidade da área de coñecemento de producción vexetal, do departamento de Recursos Naturais e Medio Ambiente desta Universidade de Vigo.

Este nomeamento terá plenos efectos a partir da correspondente toma de posesión pola interesada, que deberá efectuarse no prazo máximo de un mes, a contar desde o día seguinte da publicación da presente resolución no Boletín Oficial del Estado.

Contra esta resolución, que esgota a vía administrativa, poderán os interesados, logo de comunicación a este rectorado, interpoñer recurso contencioso-administrativo perante o Tribunal Superior de Xustiza de Calicia no prazo de 2 meses a contar desde o día seguinte da súa publicación no Boletín Oficial del Estado.

Vigo, 21 de decembro de 1994.

José Antonio Rodríguez Vázquez

Rector da Universidade de Vigo