O Concello en Pleno, na sesión ordinaria do día 1 de decembro de 1994, aprobou definitivamente o proxecto de urbanización do contorno da igrexa da Veracruz (O Carballiño), conforme co acordo que literalmente di:
Primeiro.-Aprobar definitivamente o proxecto de urbanización do contorno da igrexa da Veracruz (O Carballiño), redactado polo arquitecto Sergio Mascareñas Nogueiras, desestimando as alegacións formuladas por Estrella Campos Sobrino contra o devandito proxecto.
Segundo.-Procédase a publicar no DOG o citado anuncio.
Terceiro.-Delegar na Comisión de Goberno a tramitación e aprobación do expediente de expropiación
dos terreos do contorno da igrexa da Veracruz, así como as reclamacións, alegacións e recursos que se formulen contra eles.
Contra esta resolución poderá interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contado desde o día seguinte ó da publicación deste acordo no DOG, comunicándollo previamente ó órgano que dictou o acto impugnado.
Pode utilizarse calquera outro recurso que o interesado considere conveniente.
O Carballiño, 9 de decembro de 1994.
O alcalde presidente
Rubricado