Notificóuselle ó Servicio Galego de Saude a providencia da sección primeira da Sala do Contencioso-Administrativo do Tribunal Superior de Xustiza de Galicia, pola que se admite o recurso contencioso-administrativo nº 1/1630/1994, interposto por Pablo Manuel López Varela contra a convocatoria de probas selectivas, do 16 de xuño de 1994, para a contratación temporal de oito oficiais de laboratorio para o Programa de Control Sanitario do Aire; un biólogo, cinco veterinarios, un oficial administrativo e dous oficiais de laboratorio para o programa de plan de residuos en animais e carnes frescas; e dous farmacéuticos, un químico, un oficial de laboratorio
e un auxiliar administrativo para o programa de biotoxinas mariñas, e contra a resolución das ditas probas, do 4 de xullo de 1994.
En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala. O que se notifica para xeral coñecemento de tódalas persoas interesadas no procedemento, que son emprazadas para que poidan comparecer en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de nove días.
Santiago de Compostela, 20 de decembro de 1994.
Carlos Negreira Souto
Director xeral de Recursos Humanos