Conforme os fins atribuídos a este centro nos arts. 3.1 g) da Lei 10/1989, do 10 de xullo; 2º.1) h do Decreto 306/1990, do 24 de maio, e 5 do Decreto 336/1990, do 8 de xuño, faise pública a seguinte convocatoria, que se rexerá polas seguintes bases:

Primeira.-Obxecto.

Adxudicación dunha bolsa de colaboración en tarefas de estudio e investigación, en materia de codificación da normativa da Xunta de Galicia.

Segunda.-Dotación.

A bolsa consistirá na percepción de 1.350.000 pesetas como máximo distribuídas nas mensualidades que resulten desde o día de incorporación do bolseiro ata o 31 de decembro de 1995.

O gasto que se proxecta está condicionado á existencia de crédito axeitado e suficiente.

Terceira.-Requisitos dos candidatos.

-Ser cidadán dalgún dos países da Unión Europea.

-Ser titulado superior universitario.

Cuarta.-Solicitudes.

1. Enviaranse á Escola Galega de Administración Pública, polígono das Fontiñas, Rúa de Madrid, s/n, 15703 Santiago de Compostela, A Coruña (España), conforme o art. 38 da Lei 30/1992, do 26 de novembro, segundo o modelo anexo a esta convocatoria, xunto coa seguinte documentación:

-Fotocopia do DNI ou pasaporte.

-Certificación académica, con detalle das cualificacións obtidas na carreira.

-Proxecto de investigación entre cinco e dez folios.

-Currículum vitae.

-Declaración expresa de que non ten contraída ningunha débeda coa Xunta de Galicia.

Os documentos deberán ser orixinais ou copias cotexadas con eles.

2. O prazo de presentación é de dous meses, contados desde o día seguinte ó da publicación desta convocatoria.

Quinta.-Selección.

Estará a cargo dun tribunal presidido por Jaime Rodríguez-Arana Muñoz, director da EGAP, ou persoa en quen delegue, do que formarán parte, como vocal, José Antonio Frutos Páez, secretario xeral da EGAP, e como secretario, Manuel Matías Cano Vera, xefe de estudios da EGAP.

O tribunal valorará especialmente o aspecto referente á proxección exterior da codificación galega,

relacionará por orde de puntuación os expedientes dos solicitantes admitidos, formados polas solicitudes e documentación xustificativa.

O correspondente tribunal estará clasificado na categoría primeira, segundo o artigo 26 do Decreto 299/1990, do 24 de maio.

Sexta.-Obrigas do bolseiro.

1. Acepta-la bolsa e incorporarse ás tarefas dentro dos vinte días naturais seguintes ó da notificación do outorgamento. De non facelo así, sen causa abonda a xuízo do director, a EGAP poderá chama-lo seguinte ou seguintes candidatos por orde de puntuación, da relación formada para este efecto polo tribunal.

2. Permanecer asiduamente en horario lectivo, en sesións de mañá e/ou de tarde, nas instalacións que para estudio e investigación ten habilitadas a EGAP, horario que sinale o xefe do Servicio de Estudios, Investigación e Publicacións.

3. Atende-las explicacións e instruccións que dicte o xefe do Servicio de Estudios, Investigación e Publicacións.

4. Presta-la súa colaboración en cantas actividades garden conexión co obxecto desta convocatoria e que contribúan á realización do fin perseguido por ela.

5. Cubri-los informes ou partes de actividades que lles sexan requiridos.

Sétima.-Dereitos do bolseiro.

1. A percepción mensual na súa conta corrente, do líquido que resulte de aplicarlle á mensualidade íntegra a retención fiscal que proceda.

2. O adxudicatario adquire exclusivamente a condición de bolseiro, coas obrigas e dereitos propios dela conforme a estas bases, sen ningún outro vínculo laboral ou administrativo.

Santiago de Compostela, 12 de decembro de 1994.

Jaime Rodríguez-Arana Muñoz

Director da Escola Galega de Administración

Pública