1.-Realizado o primeiro exercicio da fase de oposición para acceso á escala de subinspección pesqueira (grupo C) da Xunta de Galicia, presentándose 12 impugnacións en relación co enunciado da pregunta 43; vistas estas, o tribunal no uso das súas facultades, resolve anular esta pregunta que non será tida en conta á hora de corrixir este primeiro exercicio.

2.-De conformidade do disposto na base II.5 da orde do 24 de febreiro de 1994, pola que se convocan probas selectivas para o ingreso na escala de subinspección pesqueira (grupo C) da Xunta de Galicia, o tribunal constituído para os efectos, decide facer pública a puntuación obtida na fase de concurso polos opositores de acceso pola quenda de promoción interna e aqueles de acceso libre a que se refire a base II.1.2.1. e seguintes da Orde do 24 de febreiro de 1994. As puntuacións estarán expostas a partir do mesmo día da publicación desta resolución no Diario Oficial de Galicia, nos taboleiros de anuncios da Dirección Xeral da Función Pública, delegacións provinciais da Consellería da Presidencia e Administración Pública, Consellería de Pesca, Marisqueo e Acuicultura, e delegacións territoriais e comarcais desta consellería.

Contra estas puntuacións poderá fomularse reclamación diante do tribunal, con sede na Dirección Xeral de Función Pública da Consellería da Presidencia e Administración Pública, edificio administrativo de San Caetano Santiago de Compostela, no prazo de 10 días contados a partir do seguinte da publicación desta resolución no Diario Oficial de Galicia.

Santiago de Compostela, 20 de decembro de 1994.

Amancio Landín Jaraiz

Presidente do tribunal