No Diario Oficial de Galicia número 115, do 14 de xuño de 2024, publícase a Resolución do 7 de xuño de 2024, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, pola que se fai público o baremo provisional da fase de concurso dos postos que se relacionan no anexo da resolución.
Unha vez examinadas as reclamacións presentadas no prazo ante o tribunal, na súa sesión do día 25 de setembro de 2024, e en aplicación do establecido no punto III.3 das bases da convocatoria, o tribunal
RESOLVE:
Primeiro. Facer pública a baremación definitiva do concurso de méritos dos postos que se relacionan no anexo desta resolución, coa indicación da puntuación obtida polas persoas aspirantes que foron baremadas de acordo coas regras contidas no punto II.1.1 e no anexo III das bases da convocatoria.
A puntuación definitiva obtida polas persoas baremadas figura reflectida no portal web corporativo da EPE Portos de Galicia https://portosdegalicia.gal, na epígrafe de transparencia e goberno aberto/convocatoria de procesos selectivos.
Contra este acordo poderase interpor recurso de alzada, ante a Presidencia de Portos de Galicia nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 25 de setembro de 2024
Andrés Daniel Cervantes Refojos
Presidente do tribunal
ANEXO
Postos dos cales se publica o baremo definitivo
|
Denominación do posto |
Grupo |
|
Técnico en comunicación e relacións externas/grao ou licenciatura en xornalismo |
I |
|
Xefe de unidade/grao ou licenciatura en dereito |
I |
|
Enxeñeiro/a de camiños, canles e portos |
I |
|
Xefe/a da Zona Sur/enxeñeiro/a de camiños, canles e portos |
I |
|
Enxeñeiro/a técnico de topografía |
II |
|
Celador/a garda peiraos |
III |
|
Condutor/a-conserxe/bacharelato/FP2 ou equivalente |
III |
|
Administrativo/a |
III |
|
Delineante/técnico/a ou equivalente |
III |
|
Técnico/a en seguridade/bacharelato |
III |
|
Axudante topógrafo/FP2/técnico/a superior DPU e OT |
III |
|
Vixilante de obras/FP2 |
III |
|
Auxiliar administrativo/ESO, técnico/a ou equivalente |
IV |