Mediante a Resolución do Inega do 29 de xaneiro de 2024, que foi publicada no DOG número 29, do 9 de febreiro, establecéronse as bases reguladoras e anunciouse a convocatoria de subvencións para proxectos de enerxías renovables de uso térmico no sector residencial, en ámbitos non urbanos.
O prazo de presentación de solicitudes rematou o 21 de marzo e non se rexistraron solicitudes suficientes para esgotar os fondos dispoñibles na epígrafe correspondente a proxectos de solar térmica e, porén, non hai dispoñibilidade orzamentaria suficiente na epígrafe correspondente a aerotermia.
Por todo o anterior, e dado que nas tipoloxías de proxectos correspondentes existe crédito dispoñible e coa finalidade de incrementar a eficacia administrativa e a eficiencia na asignación de recurso públicos, maximizando o impulso de proxectos de enerxías renovables térmicas,
RESOLVO:
Primeiro. Redistribuír os fondos destinados ás subvencións para proxectos de enerxías renovables de uso térmico no sector residencial, en ámbitos non urbanos, para a anualidade 2024 en función do volume de solicitudes recibido, modificando a táboa do artigo 2 da Resolución do 29 de xaneiro de 2024 do seguinte xeito:
– Modificación orzamentaria:
Tipoloxía de proxectos |
Importe (€) |
Modificación |
Importe final (€) |
Biomasa |
1.000.000 |
1.000.000 |
|
Aerotermia |
450.000 |
+ 20.000 |
470.000 |
Xeotermia e hidrotermia |
500.000 |
500.000 |
|
Solar térmica |
50.000 |
- 20.000 |
30.000 |
Total |
2.000.000 |
0 |
2.000.000 |
Segundo. Esta modificación, unha vez publicada no Diario Oficial de Galicia, non implicará a modificación do prazo establecido para presentar solicitudes.
Santiago de Compostela, 28 de agosto de 2024
Pablo Fernández Vila
Director da Axencia Instituto Enerxético de Galicia