O Pleno da Deputación Provincial de Pontevedra, na sesión ordinaria que tivo lugar o 26 de xullo de 2024, acordou aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o texto refundido da Lei reguladora das facendas locais e no artigo 106.3 da Lei 7/1985, do 2 de abril, reguladora das bases de réxime local, a delegación de competencias que realizou o Concello da Guarda por acordos do Pleno nas sesións do 14 de marzo de 2024 e 2 de xullo de 2024, para desenvolver as facultades íntegras de xestión, inspección, liquidación e recadación de diversos ingresos de dereito público.
As citadas delegacións que aparecen relacionadas no acordo plenario do día 26 de xullo de 2024, realizaranse pola Deputación de Pontevedra a través dos seus servizos tributarios.
O que se fai público para xeral coñecemento e demais efectos.
Pontevedra, 30 de xullo de 2024
O presidente da Deputación de Pontevedra
P.D. (Delegación efectuada por R.P. nº 2024005761 do 10.7.2024)
Manuel Alejandro Lorenzo Alonso
Deputado delegado de Xestión Tributaria, Patrimonio, Formación e Emerxencias