Ao non ser posible a práctica da notificación ao titular da licenza de obra: Memoria valorada para rehabilitación de cuberta. Rehabilitación enerxética de cuberta mediante panel con illante térmico e posterior acabado con cubrición de lousa, na rúa Alcalde Emilio Sinde Nieto, núm. 31 (Castro de Rei), referencia catastral 0353903PH3805S0001MH, solicitada por Mª Luz Vázquez Silva, por causa non imputable a esta administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a notificación dos decretos da Alcaldía 423 e 754, do 18 de xullo e do 20 de decembro de 2023, respectivamente, co fin de que a interesada no procedemento achegue, ante esta alcaldía, a documentación técnica que recolla o estado actual da edificación, e, mentres non se remita a documentación solicitada, interrómpese a tramitación do expediente, indicándolle que, de non se completar no prazo de dez (10) días hábiles, segundo indica o artigo 73 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), se considerará desistida da súa petición.

A eficacia do acto notificado quedará demorada ata a publicación do pertinente anuncio no taboleiro de edictos único (TEU) do Boletín Oficial del Estado.

Así mesmo, ponse en coñecemento da persoa responsable que o contido íntegro das citadas notificacións, así como da totalidade do expediente administrativo, está á súa disposición nas oficinas municipais do Concello de Castro de Rei, situadas na praza Maior, núm. 1, das 9.00 ás 14.00 horas, os días laborables, de luns a venres.

Castro de Rei, 25 de xuño de 2024

Francisco Javier Balado Teijeiro
Alcalde