No Boletín Oficial da provincia da Coruña núm. 134, do día 12.7.2024, publicáronse integramente as bases xerais e específicas que rexen a convocatoria para prover a seguinte praza, na execución da oferta de emprego público extraordinaria para a redución do emprego temporal, ao abeiro do artigo 2 da Lei 20/2021:

– Unha praza de técnico/a de Minas San Finx, persoal laboral fixo descontinuo, grupo II (A2), código RPT 5112, mediante o sistema de concurso-oposición, quenda libre.

O prazo de presentación de solicitudes será de 20 días naturais contados a partir do día seguinte ao da publicación do anuncio da convocatoria no Boletín Oficial del Estado.

Os sucesivos anuncios referentes a esta convocatoria, cando procedan conforme as bases, faranse públicos na forma prevista nas propias bases.

Lousame, 16 de xullo de 2024

María Teresa Villaverde Pais
Alcaldesa