A Secretaría Xeral Técnica da Consellería do Mar recibiu un decreto do Xulgado Contencioso-Administrativo número 1 de Santiago de Compostela polo que solicita o expediente administrativo relativo ao recurso contencioso-administrativo P.A. 325/2024, interposto por Carmen Magdalena Lameiro Couso contra a desestimación presunta do recurso de alzada interposto o 11 de xaneiro de 2024 fronte ás resolucións do 11 de decembro e do 20 de decembro de 2023 do tribunal de selección para a cobertura temporal por persoal funcionario interino de dous (2) postos reservados á escala de profesores/as numerarios/as de Institutos Politécnicos Marítimos-Pesqueiros, con destino na Escola Oficial Náutico-Pesqueira de Ferrol.
En consecuencia, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, acórdase a remisión do correspondente expediente administrativo, o que se notifica para xeral coñecemento de todas as persoas interesadas para que poidan comparecer como parte nos autos ante o referido xulgado no prazo de nove días, contados desde o seguinte ao da publicación desta resolución no Diario Oficial de Galicia.
Santiago de Compostela, 5 de xullo de 2024
Marta Barreiro Castro
Secretaria xeral técnica da Consellería do Mar