En cumprimento do previsto nos artigos 109 e 163 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Graciosa González Pérez.
Expediente: DH.A36.87649.
Volume total anual: 1.918,00 m3/ano.
Caudal máximo instantáneo: 0,07 l/s.
Destino: gandeiro.
Orixe: manancial situado na parcela 919, polígono 4 do catastro de Oia.
Lugar: O Porto.
Parroquia: Mougás.
Concello: Oia.
Descrición:
A auga do manancial, captado mediante escavación horizontal, condúcese a dous depósitos de 1.500 l situados na parcela 544, polígono 4, dos que segue a granxa instalada sobre as parcelas 681, 683 e 684 do polígono 4, para abastecemento desta.
O proxecto pode consultarse na sección de «Participación pública» do portal da internet de Augas de Galicia (https://augasdegalicia.xunta.gal) e nas oficinas deste servizo territorial, situadas na rúa San Salvador, núm. 2, 4º andar, 36240 Vigo (Pontevedra).
Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Vigo, 7 de xuño de 2024
Susana Pérez González
Xefa do Servizo Territorial da Zona Hidrográfica de Galicia Sur