No Boletín Oficial da provincia de Ourense (BOP) número 298, do 30 de decembro de 2022, publicáronse a convocatoria e as bases reguladoras dos procesos selectivos convocados polo Concello de Leiro, derivados da oferta de emprego público extraordinaria para a estabilización do persoal temporal ao abeiro do establecido na Lei 20/2021, do 28 de decembro, de medidas urxentes para a redución da temporalidade no emprego público.

Mediante o Acordo da Xunta de Goberno Local, do 26 de decembro de 2022, aprobáronse a convocatoria do proceso selectivo e as bases reguladoras dos procesos selectivos que se sinalan a continuación:

Persoal funcionario:

Denominación da praza	Número de prazas	Tipo de xornada
Arquitecto	1	Parcial

Persoal laboral:

Denominación da praza	Número de prazas	Tipo de xornada
AEDL	1	Completa
Porteiro encargado de servizos varios	1	Completa
Axente TIC da Aula Cemit	1	Parcial

O prazo de presentación de solicitudes será de vinte (20) días naturais, contados a partir da publicación do anuncio da convocatoria no Boletín Oficial del Estado, de acordo co establecido nas bases reguladoras. Os sucesivos anuncios referentes a esta convocatoria, cando proceda de conformidade coas bases, faranse públicos nos termos establecidos nas propias bases.

Leiro, 11 de xullo de 2024

Francisco José Fernández Pérez
Alcalde