Expediente: PA-21-01.

Asunto: aprobación do proxecto básico.

Antecedentes:

1. O 15 de novembro de 2021 acordouse o inicio do procedemento de aprobación para o desenvolvemento do polígono agroforestal de iniciativa pública de Oímbra (DOG núm. 247, do 27 de decembro).

2. O 8 de febreiro de 2022 aprobouse o estudo de viabilidade co perímetro do polígono, o catálogo parcial de usos, os prezos, as superficies mínimas e a vida útil do polígono agroforestal de iniciativa pública de Oímbra.

3. Mediante o Decreto 33/2022, do 3 de marzo, declarouse de utilidade pública e interese social o polígono agroforestal de iniciativa pública de Oímbra (Ourense) (DOG núm. 55, do 21 de marzo).

4. O 3 de maio de 2022 acordouse iniciar o procedemento para a redacción do proxecto básico e dos pregos de condicións polos que se rexería o procedemento de concorrencia do polígono agroforestal de iniciativa pública de Oímbra.

5. O 3 de xuño de 2022 acordouse o inicio do procedemento para a revisión do parcelario e do estado das parcelas e trámites previos da investigación da titularidade das parcelas do polígono agroforestal de iniciativa pública de Oímbra; e deben realizarse as actuacións e os trámites dos artigos 89 e 90 da Lei 11/2021, do 14 de maio, de recuperación da terra agraria de Galicia. O plano parcelario e o resto de documentación foron expostos ao público tanto no Concello de Oímbra como na páxina web da Axencia Galega de Desenvolvemento Rural, durante o prazo de vinte (20) días hábiles.

6. O 2 de xuño de 2023 asinouse a resolución de revisión do parcelario e do estado das parcelas e trámites previos da investigación da titularidade das parcelas, que foi notificada ás persoas interesadas xunto coa comunicación dos prezos de transmisión ou arrendamentos mínimos e de orientación de produción establecidos, e o compromiso de adhesión.

7. O 22 de xuño de 2023 acordouse someter a exposición pública as actuacións do polígono agroforestal de iniciativa pública de Oímbra (DOG núm. 127, do 5 de xullo).

8. Rexistrouse a presentación dos compromisos de adhesión ao proxecto nunha porcentaxe total do 93,96 % da superficie das terras incluídas no perímetro do polígono agroforestal.

9. O 10 de novembro de 2023 acordouse o inicio do procedemento de investigación da titularidade de catro inmobles carentes de posuidor, con base no artigo 19 da Lei 11/2021, do 14 de maio, de recuperación da terra agraria de Galicia e a integración transitoria destas parcelas ao Banco de Terras, así como a súa entrega para a xestión provisional pola axencia (DOG núm. 224, do 24 de novembro).

10. O 2 de xullo de 2024, a presidenta da Axencia Galega de Desenvolvemento Rural aprobou a proposta de reestruturación da propiedade do polígono agroforestal de Oímbra.

Consideracións legais e técncias:

1. Este procedemento réxese polo disposto na Lei 11/2021, do 14 de maio, de recuperación da terra agraria de Galicia (DOG núm. 94, do 21 de maio); o acordo da Comisión Bilateral de Cooperación Administración Xeral do Estado-Comunidade Autónoma de Galicia, en relación coa Lei 11/2021, do 14 de maio, de recuperación da terra agraria de Galicia, publicado por Resolución do 1 de febreiro de 2022, da Dirección Xeral de Relacións Institucionais e Parlamentarias (DOG núm. 36, do 22 de febreiro); a Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro); a Lei 6/2001, do 29 de xuño, de adecuación da normativa da Comunidade Autónoma de Galicia á Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común (DOG núm. 135, do 12 de xullo); a Lei 40/2015, do 1 de outubro, de réxime xurídico do sector público (BOE núm. 236, do 2 de outubro); a Lei 16/2010, do 17 de decembro, de organización e funcionamento da Administración xeral e do sector público autonómico de Galicia (DOG núm. 251, do 31 de decembro), e as demais disposicións normativas de aplicación.

O artigo 94 da Lei 11/2021, do 14 de maio, de recuperación da terra agraria de Galicia, prevé que:

«1. Unha vez rematadas as actuacións recollidas nos artigos anteriores e en vista dos seus resultados, a persoa que exerza a Dirección da Axencia Galega de Desenvolvemento Rural elaborará a proposta de resolución de aprobación do proxecto básico do polígono agroforestal, que terá o contido que recolle o artigo 86.

2. Esta proposta de resolución publicarase no Diario Oficial de Galicia, no taboleiro de edictos municipal e na páxina web da Axencia Galega de Desenvolvemento Rural, e abrirase trámite de audiencia por un prazo de quince (15) días hábiles para que as persoas interesadas formulen alegacións. Así mesmo, notificaráselles ás persoas propietarias ou titulares de dereitos de aproveitamento sobre as parcelas incluídas no perímetro do polígono agroforestal.

3. En vista das legacións presentadas, a persoa que exerza a Dirección da Axencia Galega de Desenvolvemento Rural proporalle á súa presidencia a aprobación do proxecto básico do polígono agroforestal».

2. No expediente instruído cumpríronse os requisitos e trámites do procedemento establecidos nos artigos 86 a 93 da Lei 11/2021, do 14 de maio, de recuperación da terra agraria de Galicia.

3. Instrución e motivación.

De conformidade co disposto no artigo 75 e seguintes da Lei 39/2015, do 1 de outubro, do procedemento administrativo común das administracións públicas, a competencia para a instrución do procedemento e a realización dos actos inherentes a ela necesarios para a determinación, coñecemento e comprobación dos feitos en virtude dos cales deba pronunciarse a resolución, corresponde á Subdirección de Mobilidade de Terras.

4. Competencia.

O órgano competente para elaborar a proposta de resolución de aprobación do proxecto básico é a persoa que exerce a Dirección da Axencia Galega de Desenvolvemento Rural, de conformidade co artigo 94.1 da Lei 11/2021, do 14 de maio, de recuperación da terra agraria de Galicia.

Por todo o anterior, a Dirección da Axencia Galega de Desenvolvemento Rural

PROPÓN:

Primeiro. Aprobar a proposta de resolución de aprobación do proxecto básico do polígono agroforestal de iniciativa pública de Oímbra.

Segundo. Publicar esta proposta de resolución no Diario Oficial de Galicia (DOG), no taboleiro de edictos municipal e na páxina web da Axencia Galega de Desenvolvemento Rural. Así mesmo, notificar esta proposta de resolución ás persoas propietarias ou titulares de dereitos de aproveitamento sobre as parcelas incluídas no perímetro do polígono agroforestal de conformidade co artigo 94.2 da Lei 11/2021, do 14 de maio, de recuperación da terra agraria de Galicia, e abrir un prazo de audiencia de quince (15) días hábiles para que as persoas interesadas formulen as alegacións que consideren oportunas, contado desde o día seguinte á recepción da notificación desta proposta.

Esta proposta de resolución é un acto de mero trámite, contra o cal non cabe recurso, e poden unicamente, segundo o artigo 112 da Lei 39/2015, do 1 de outubro, do procedemento administrativo común das administracións públicas, alegar a súa oposición para, de ser o caso, a súa consideración previa á resolución que poña fin ao procedemento.

Santiago de Compostela, 3 de xullo de 2024

María Paz Rodríguez Rivera
Directora xeral da Axencia Galega de Desenvolvemento Rural