En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: José Touceda Sueiro en representación da Comunidade de Regantes Monte Calvo.

Expediente: DH.A36.100266.

Volume total anual: 6.179,25 m3/ano.

Caudal máximo instantáneo: 1,16 l/s.

Destino: rega.

Orixe: manancial na parcela 3, polígono 37 do catastro de Caldas de Reis

Lugar: A Igrexa.

Parroquia: San Clemente de César.

Concello: Caldas de Reis.

Descrición:

A auga cáptase nunha arqueta de bloques de formigón e condúcese a unha caseta na mesma parcela que contén sete depósitos de 2.000 litros. De cada depósito parte unha condución ata a parcela de cada usuario que abastece a Comunidade no lugar de Faramontáns, San Clemente de Cesar (Caldas de Reis).

O proxecto pode consultarse na sección de «Participación pública» do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, núm. 2, 4º andar, 36240 Vigo (Pontevedra).

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 19 de xuño de 2024

Susana Pérez González
Xefa do Servizo Territorial da Zona Hidrográfica de Galicia Sur