Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

– Solicitante: UFD Distribución Electricidad, S.A.

- Domicilio social: avenida América, 38, 28028 Madrid.

– Denominación: regulamentación LMTA TIB802 e substitución dos apoios A2BB37I5 e A2BH2Q10.

- Situación: Valga.

- Características técnicas:

Substitución dos apoios A2BB37I5 e A2BH2Q10 da liña de media tensión subterránea (LMTA) TIB802 canle 2, por un apoio C-7000/16 e un apoio C-1000/14, respectivamente.

LMTA a 20 kV, con condutor LA-110 de 97 metros de lonxitude, con orixe no apoio proxectado C-7000/16 e final no apoio proxectado C-1000/14.

Retensado dos vans contiguos aos apoios proxectados (94,4 e 174,6 metros de condutor existente LA-110).

A instalación está situada no lugar de Senín, na parroquia de Xanza, no concello de Valga (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta dirección territorial, avenida María Victoria Moreno 43, 36071 Pontevedra, no prazo máximo de trinta días, a partir da última publicación ou notificación individual.

O proxecto está á disposición do público para a súa consulta no portal da Consellería de Economía e Industria (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 24 de xuño de 2024

Beatriz López del Olmo
Directora territorial de Pontevedra

ANEXO

Número de expediente: IN407A 2024/148-4.

Denominación: regulamentación LMTA TIB802 e substitución dos apoios A2BB37I5 e A2BH2Q10.

Concello: Valga.

Número	Lugar	Cultivo	Referencia catastral	Titular	Apoio
					Nº	m2
1	Cotro	Rústico	36056A033000500000AI	Mercedes Couselo Souto	1	4,00