No Boletín Oficial da provincia de Lugo número 135, do 12 de xuño de 2024, publicáronse integramente as bases que rexerán a convocatoria dos procesos selectivos correspondentes ás prazas de estabilización de emprego temporal:
Persoal funcionario:
Un/unha administrativo/a, grupo C1, nivel 20 C, a xornada completa, mediante sistema de concurso-oposición.
Persoal laboral:
Un/unha profesor/a da escola de música, especialidade piano, xornada parcial, mediante concurso.
Un/unha profesor/a de escola de música, especialidade percusión, xornada parcial, mediante concurso.
Un/unha profesor/a de escola de música, especialidade frauta, xornada parcial, mediante concurso.
Un/unha profesor/a de escola de música, especialidade saxofón, xornada parcial, mediante concurso.
Un/unha profesor/a de escola de música, especialidade trompeta, xornada parcial, mediante concurso-oposición.
Un/unha director/a de escola de música, especialidade clarinete, xornada parcial, mediante concurso.
Un/unha director/a de banda de música, xornada parcial, mediante concurso.
Once auxiliares de axuda no fogar, xornada completa, mediante concurso.
Un/unha auxiliar de axuda no fogar, xornada completa, mediante concurso-oposición.
Dous/dúas profesores/as do punto de atención á infancia (PAI), xornada completa, mediante concurso.
Un/unha educador/a infantil do punto de atención á infancia (PAI), xornada completa, mediante concurso.
O prazo de presentación de solicitudes será de vinte días naturais, contados desde o seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia de Lugo e no taboleiro de anuncios do Concello.
Sober, 12 de xuño de 2024
O alcalde
Por abstención (Resolución do 27.5.2024)
Francisco Vázquez Pérez
Primeiro tenente de alcalde