De conformidade co establecido no artigo 92 da Lei 2/2015, do 29 de abril, do emprego público de Galicia (DOG núm. 82, do 4 de maio), e no artigo 16 do Decreto 93/1991, do 20 de marzo, modificado polo Decreto 166/2013, do 14 de novembro, polo que se aproba o Regulamento de provisión de postos de traballo, promoción profesional e promoción interna, e no uso das facultades conferidas pola Resolución do 17 de outubro de 2023 pola que se dá publicidade ao acordo do Consello de Dirección do Instituto Galego de Promoción Económica (Igape) de delegación de facultades, esta dirección xeral
DISPÓN:
Primeiro. Anunciar a convocatoria para cubrir, polo sistema de libre designación, o posto de traballo vacante que se indica no anexo I desta resolución, cuxas funcións se encontran publicadas na Resolución do 1 de decembro de 2022 pola que se dá publicidade do acordo do Consello de Dirección que aproba a modificación da súa estrutura organizativa, publicada no DOG nº 235, do 13 de decembro, e na Resolución do 9 de febreiro de 2024 pola que se dá publicidade do acordo do Consello de Dirección que aproba a modificación da súa estrutura organizativa, publicada no DOG nº 33, do 15 de febreiro, que modifica a denominación do posto.
Segundo. Poderá concorrer a ela o funcionario de carreira e o persoal laboral fixo que reúna os requisitos sinalados no anexo I.
Terceiro. As solicitudes dirixiranse ao Instituto Galego de Promoción Económica e presentaranse obrigatoriamente por medios electrónicos no prazo de quince (15) días hábiles, contados a partir do seguinte ao da publicación da convocatoria no Diario Oficial de Galicia, conforme o modelo que se inclúe como anexo II. Para achegar a dita solicitude, na sede electrónica da Xunta de Galicia https://sede.xunta.gal está dispoñible o formulario normalizado correspondente ao procedemento administrativo PR004A, e para a presentación electrónica poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365 (https://sede.xunta.gal/chave365).
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos considerarase como data de presentación da solicitude aquela en que fose realizada a emenda.
Cuarto. As persoas aspirantes deberán unir á petición un curriculum vitae e xustificar documentalmente os méritos que aleguen.
Quinto. A resolución desta convocatoria farase pública no DOG e poderá declararse deserta, de considerarse oportuno.
Sexto. O prazo de toma de posesión será de tres días hábiles, se non implica cambio de residencia; de sete días hábiles, se comporta cambio de residencia, ou de vinte días hábiles, se comporta o reingreso ao servizo activo, conforme o establecido no artigo 14 do Decreto 93/1991, do 20 de marzo, modificado polo Decreto 166/2013, do 14 de novembro.
O prazo de toma de posesión empezará a contar a partir do día seguinte ao do cesamento, que deberá producirse dentro dos tres días hábiles seguintes ao da publicación da resolución no DOG.
Se a resolución comporta o reingreso ao servizo activo, o prazo de toma de posesión empezará a contar a partir do día seguinte ao da publicación da resolución no DOG.
Sétimo. Contra esta resolución, que pon fin á vía administrativa, as persoas interesadas poderán interpoñer recurso potestativo de reposición ante a directora xeral do Instituto Galego de Promoción Económica, no prazo dun mes contado a partir do día seguinte ao da súa publicación no DOG, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 26 de xuño de 2024
Covadonga Toca Carús
Directora xeral do Instituto Galego de Promoción Económica
ANEXO I
Denominación do posto: subdirector/a de Asesoramento Empresarial e Apoio á Oficina Económica de Galicia.
Código: IN.IGAPE.00.000.4050425.
Consellería: Consellería de Economía e Industria.
Dependencia: Instituto Galego de Promoción Económica. Dirección Xeral.
Localidade: Santiago de Compostela.
Forma de provisión: libre designación.
Grupo/subgrupo: A1/I-04.
Retribución anual: 58.008,69 €.
Tipo de adscrición: persoal funcionario de carreira e persoal laboral fixo da Xunta de Galicia, Estado, CC.AA. e Administración local.
