Mediante acordo da Xunta de Goberno Local en sesión extraordinaria, do 23 de maio de 2024, aprobouse inicialmente o plan parcial do sector do solo urbanizable delimitado surb-1 do 9.5.2023, RE número 45/2023), promovido de oficio polo Concello de Pedrafita do Cebreiro e redactado pola empresa Monsa Urbanismo, S.L.
De conformidade cos artigos 47 da Lei do Solo de Galicia (en diante, LSG), e 86 do Regulamento da Lei do solo de Galicia (en diante, RLSG), suspéndese o procedemento de outorgamento de licenzas para os seguintes actos dentro do ámbito delimitado para o desenvolvemento do plan parcial:
• Licenzas de obra de nova construción, demolicións e rehabilitación das construcións existentes, de ser o caso.
• Calquera acto de agregación/segregación ou parcelamento urbanístico.
• Actuacións que impliquen movementos de terras, excepto as derivadas das estritamente necesarias para a conservación dos terreos e desenvolvemento de actividades agrarias.
A suspensión de licenzas non será de aplicación nos seguintes casos:
• Obras de mantemento, conservación e reforma, salvo no caso de obras de rehabilitación integral que sexan equiparables á reconstrución total do edificio non xustificadas en razóns de urxencia ou que supoñan un aumento do volume edificado.
• A primeira ocupación.
• Proxectos que cumpran simultaneamente o instrumento de planeamento en vigor e a revisión ou modificación do deste, sempre que esta tivera sido aprobada inicialmente.
• Os actos suxeitos ao trámite de comunicación previa, sempre e cando se trate de obras ou actos para a implantación de usos ou actividades autorizados polo novo planeamento.
A duración da suspensión de dous anos, contados desde a aprobación inicial, extinguíndose en todo caso coa aprobación definitiva do plan parcial.
A área afectada pola suspensión é o sector do solo urbanizable delimitado surb-1 (polígono industrial) cunha superficie de 35.210 m2.
Sométese o expediente a información pública por prazo de dous meses mediante a publicación deste anuncio no Diario Oficial de Galicia, no xornal El Progreso, na sede electrónica deste concello: http://concellopedrafita.sedelectronica.es e no Boletín Oficial del Estado (artigo 75 da Lei do solo de Galicia, e 207 do Regulamento da Lei do solo de Galicia, e 44 da Lei do procedemento administrativo común). Durante ese prazo, que se computará a partir do seguinte ao da publicación deste anuncio no Diario Oficial de Galicia (DOG), poderán presentarse alegacións, suxestións ou documentos que se consideren oportunos en relación co instrumento ou o expediente sometido a información pública (artigo 207.2.d) do RLSG).
O anuncio que se publique no Boletín Oficial del Estado (BOE) servirá de notificación nos termos do artigo 44 da Lei 39/2015, do 1 de outubro, do procedemento administrativo común das administracións públicas (LPAC), para todas as persoas propietarias e interesadas directamente afectadas que por resultar descoñecidas ou ignorarse o seu enderezo non poidan ser notificadas persoalmente, ou intentada a notificación non se puidese efectuar.
Así mesmo, o anuncio de información pública publicarase na páxina web do Concello (http://www.concellopedrafita.es/) (artigo 70.ter da Lei reguladora das bases de réxime local (LRBRL), 87 da LSG, 206 do RLSG, e 25.4 do texto refundido da Lei do solo e rehabilitación urbana (TRLSRU).
O expediente completo estará á disposición dos interesados no Departamento de Urbanismo, de luns a venres, das 9.00 ás 14.00 horas.
Pedrafita do Cebreiro, 30 de maio de 2024
José Luis Raposo Magdalena
Alcalde