No Boletín Oficial da provincia da Coruña núm. 246, do 29 de decembro de 2022, publicáronse integramente as bases xerais reguladoras dos procesos de estabilización de emprego temporal polo sistema excepcional de concurso e polo sistema de concurso-oposición, e no Boletín Oficial da provincia da Coruña núm. 247, do 30 de decembro de 2022, publicáronse a convocatoria e as bases específicas que rexerán a convocatoria do proceso selectivo para cubrir a praza de estabilización de emprego temporal do Concello de Mugardos, incluída na oferta de emprego público extraordinaria de 2022, de acordo coa Lei 20/2021, do 28 de decembro, de medidas urxentes para a redución da temporalidade no emprego público, e que a continuación se relaciona:

– Unha (1) praza de persoal laboral fixo de auxiliar administrativo, pertencente ao grupo de clasificación IV, asimilada á escala de Administración xeral, subescala auxiliar, grupo C, subgrupo C2, mediante o sistema de provisión por concurso de méritos.

O prazo de presentación de solicitudes será de vinte (20) días naturais, contados a partir do día seguinte ao da data de publicación do anuncio da convocatoria no Boletín Oficial del Estado (BOE).

Os sucesivos anuncios referentes a esta convocatoria faranse públicos na forma prevista nas propias bases.

Mugardos, 3 de xuño de 2024

O alcalde
P.D. (R.A. 2023-0615, do 26.6.2023)
José Miguel Mahía Prados
Concelleiro delegado de Urbanismo, Rehabilitación, Mobilidade e Réxime Interior