En cumprimento do previsto nos artigos 109 e 163 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: José Carlos e María Isabel Cascallar Iglesias.

Expediente: DH.A36.99625.

Volume total anual: 436,50 m3/ano.

Caudal máximo instantáneo: 0,02 l/s.

Destino: abastecemento.

Orixe: catro (4) mananciais situados na parcela 1, polígono 53 do catastro de Caldas de Reis.

Lugar: Cope.

Parroquia: Carracedo.

Concello: Caldas de Reis.

Descrición:

A auga dos mananciais, captada en arquetas de aros formigón, reúnese para conducila a unha caseta na parcela 757, polígono 48, onde se reparte en dous depósitos. De cada deposito segue ás vivendas abastecidas nas parcelas 757 e 476, polígono 48.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, núm. 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 27 de maio de 2024

Susana Pérez González
Xefa do Servizo Territorial da Zona Hidrográfica de Galicia Sur