O Pleno do Concello do Porriño en sesión ordinaria do 27 de maio de 2024, adoptou o acordó que a seguir se transcribe:

«1º) Aprobar inicialmente a modificación puntual do Plan xeral de ordenación municipal na parcela 253 do polígono da Granxa e SUR PPI 5 para a apertura de viario interior de comunicación industrial redactado por Visier Arquitectos.

2º) Someter o expediente a exposición pública por un prazo de dous meses mediante a publicación no Diario Oficial de Galicia, nun dos xornais de maior difusión da provincia e no taboleiro do concello.

3º) Solicitar informe sectorial aos seguintes órganos:

– Dirección Xeral de Aviación Civil.

– Confederación Hidrográfica do Miño Sil.

– Delegación do Goberno.

– Ministerio de Industria e Enerxía.

– Axencia Galega de Infraestruturas.

– Dirección Xeral do Patrimonio Cultural.

– Augas de Galicia.

4º) Suspender o outorgamento de licenzas de edificación, urbanización e parcelación que poidan ser incompatibles coa ordenación urbanística que sexa de aprobación».

O Porriño, 30 de maio de 2024

Manuel Alejandro Lorenzo Alonso
Alcalde