Detectado erro no anuncio de 18 de xuño de 2024 (DOG número 121, do 24 de xuño) polo que se dá publicidade á resolución da mesma data pola que se convoca concurso público para a contratación de persoal docente e investigador, atendendo ao establecido no artigo 109.2 da Lei 39/2015, do 1 de outubro, do procedemento administrativo común das Administracións Públicas, e en concordancia co establecido na propia convocatoria anunciada, procédese a facer a seguinte corrección:
Na páxina 38636, onde di:
«O prazo de presentación de solicitudes é de vinte (20) días hábiles contados desde o día seguinte ao da publicación do presente anuncio no Diario Oficial de Galicia e débense dirixir ao reitor no modelo oficial, obrigatoriamente acompañadas dos documentos acreditativos previstos na convocatoria».
Debe dicir:
«O prazo de presentación de solicitudes é de dez (10) días hábiles contados desde o día seguinte ao da publicación do presente anuncio no Diario Oficial de Galicia e débense dirixir ao reitor no modelo oficial, obrigatoriamente acompañadas dos documentos acreditativos previstos na convocatoria».
Vigo, 24 de xuño de 2024
Manuel Joaquín Reigosa Roger
Reitor da Universidade de Vigo