O Pleno da Corporación, na sesión ordinaria que tivo lugar o 28 de decembro de 2023, adoptou, entre outros, o seguinte acordo:

Primeiro. Aprobar definitivamente o estudo de detalle para o axuste de aliñacións na parcela 27039A03000638, no núcleo de Francos, parroquia de Francos, presentado por Constantino Casanova Quiñoa.

Segundo. Publicar o acordo de aprobación definitiva, notificalo na forma prevista na lexislación aplicable e dar conta á consellería competente en materia de urbanismo e ordenación do territorio, de conformidade co artigo 88 da LSG e 209 do RSG, á vez que se dá traslado dun exemplar en soporte dixital, debidamente dilixenciado, co fin de ser inscrito no Rexistro de Planeamento Urbanístico de Galicia.

Contra o citado acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados a partir do día seguinte ao da publicación deste anuncio, de conformidade coa Lei 29/1998, do 13 de xullo, da xurisdición contencioso-administrativa.

Todo iso sen prexuízo de que se poida interpor calquera outro recurso que se considere máis conveniente.

O texto do documento aprobado definitivamente pode ser consultado na páxina do concello https://outeiroderei.sedelectronica.gal/transparency/

Outeiro de Rei, 29 de maio de 2024

José Pardo Lombao
Alcalde