O 9 de abril de 2024 publicouse no Diario Oficial de Galicia núm. 69, a Resolución do 15 de marzo de 2024 pola que se anunciaba o procedemento de adxudicación, mediante poxa, en réxime de compravenda ou alugueiro, de locais de negocio e prazas de garaxe propiedade do Instituto Galego da Vivenda e Solo.

De acordo co previsto na condición 10.2 do prego de condicións que regula o mencionado procedemento, así como no número 8 da citada Resolución do 15 de marzo de 2024, «O acto da poxa será público e a súa realización levarase a cabo no lugar, na data e na hora que se indique no anuncio publicado no Diario Oficial de Galicia, así como na páxina web do IGVS: http://igvs.xunta.es/web/igvs/350».

Tendo en conta o anterior, faise público que a apertura das ofertas económicas e o acto de poxa pública terán lugar o día 4 de xullo de 2024, ás 10.30 horas, na sala de xuntas B da planta baixa do Edificio Administrativo Monelos da Xunta de Galicia, na rúa Vicente Ferrer, 2, 15008 A Coruña.

A Coruña, 4 de xuño de 2024

Susana Vázquez Romero
Presidenta da Mesa de Valoración