Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio convócanse a todas ás persoas interesadas e, particularmente, as relacionadas no anexo que segue a este escrito, ao acto de levantamento das actas previas á ocupación dos bens e dereitos afectados pola instalación eléctrica denominada Instalación de telecontrol na LMT PAD813 en A16IJCHN//D17-4, no concello de Padrón (expediente IN407A 2022/298-1), acto que se realizará, en primeiro lugar, sobre o terreo para a toma de datos e posterior redacción definitiva das actas nas dependencias municipais do mencionado concello, seguindo o calendario e horario que se sinala no cadro anexo que máis abaixo se detalla.
Ao acto deberán comparecer as persoas titulares dos bens ou dereitos afectados, por si mesmas ou representadas por persoa debidamente autorizada, e exhibir o seu DNI/NIF, así como os documentos acreditativos da titularidade.
A Coruña, 3 de xuño de 2024
Isidoro Martínez Arca
Director territorial da Coruña
ANEXO
Expediente: IN407A 2022/298-1.
Solicitante UFD Distribución Electricidad, S.A.
Denominación: instalación de telecontrol na LMT PAD813 en A16IJCHN//D17-4.
Concello: Padrón.
Nº predio |
Concello |
Lugar |
Datos catastrais |
Titular |
Data |
Hora |
1 |
Padrón |
Agronovo |
7039159NH2374S0001ZB |
Descoñecido |
21 de agosto de 2024 |
10.30 |